2007 წლის 16 აგვისტოს, პროფესიული ფეხბურთის ლიგას, საქართველოს ფეხბურთის ფედერაციასა და მედიაკომპანია „Kolkhida Media Rights” შორის გაფორმდა ხელშეკრულება, რომლის თანახმადაც კომპანიაs „Kolkhida Media Rights” გადაეცა ფეხბურთში საქართველოს ჩემპიონატის და დ.ყიფიანის თასის ყველა მედიასაშუალებებით გავრცელების ექსკლუზიური უფლება. 

     ზემოაღნიშნული ხელშეკრულება, ყოველწლიური ფიქსირებული გადასახადის გარდა, დამატებით გულისხმობს ლიგისთვის მედიაკომპანიის მოგების 60%-ის გადაცემას.  ეს თანხა შესაბამისად გადანაწილდება უმაღლეს ლიგაში მოასპარეზე კლუბებზე.

     კომპანიამ „Kolkhida Media Rights“ პირველ არხთან გააფორმა 5 წლიანი ხელშეკრულება, რომლის მიხედვითაც ტურის ორი ცენტრალური მატჩი და გადაცემა „გოლი“ გავა სატელევიზიო ეთერით.

   მატჩების სატელევიზიო რეპორტაჟების და გადაცემის მოსამზადებლად დაქირავებულ იქნა კომპანია „Sports Media Production”, რომლის ერთ-ერთი თანამონაწილე გახლავთ ამ სფეროში გამოცდილი ბრიტანული კომპანია „Sports Media Services”. (იხილეთ ვიდეო)

            ამას გარდა, ფეხბურთის მოყვარულებისთვის გაკეთდა ვებ პორტალი www.goli.ge, რომელზეც შეგიძლიათ მიიღოთ ამომწურავი ინფორმაცია ჩემპიონატისა და თასის შესახებ. ასევე პორტალზე შეგიძლიათ იხილოთ ვიდეო- და ფოტომასალა.

ჩვენ უკვე მოვიზიდეთ სპონსორები, კერძოდ, კომპანიები “Wissol”, “Silknet” და “Geocell”.

დამატებითი ინფორმაციისთვის დაგვიკავშირდით: info@goli.ge