გასულ ტურში,  ''ტორპედო’’   ''სპარტაკს’’ ესტუმრა და ბევრისათვის მოულოდნელად, 2-0 დამარცხდა. მატჩის შემდგომ, ქუთათურთა მთავარი მწვრთნელი, გია გეგუჩაძე, თავისი შეგირდების გარჯით უკმაყოფილებას ვერ მალავდა:

'' "სპარტაკმა” დამსახურებულად გაიმარჯვა და ვულოცავ. რაც შეეხება ჩვენს გუნდს, მისი ასეთი სუსტი თამაში არ მინახავს. როგორი არეული ამინდიც იყო, ისეთი თამაში ვაჩვენეთ - ყოველგვარი აზრის გარეშე. სამუშაო ბევრი გვაქვს”.

ჩემპიონატის პირველი ნახევრის დასრულებამდე 3 ტურით ადრე,  ''გაგრა’’ ძალიან მძიმე მდგომარეობაშია. გუნდს უმძიმესი კალენდარი აქვს (''ტორპედო’’,  ''დილა’’,  ''დინამო’’). ამის ფონზე, ძნელად წარმოსადგენია, აფხაზებმა  ''ტოპ 8’’-ში მოსახვედრად საკმარისი ქულები მოაგროვონ.

სტატისტიკის მოყვარულთათვის:

მიმდინარე სეზონში,  ''ტორპედოს’’ შინ მხოლოდ 1 მარცხი აქვს.

2 მოგება, 1 ფრე და 6 წაგება – ასეთია  ''გაგრას’’ მონაგარი სტუმრად ჩატარებულ შეხვედრებში.

ამ გუნდების პირველი წრის დაპირისპირებაში,  ''ტორპედომ’’ 1-0 დაამარცხა მეტოქე.

სავარაუდო შემადგენლობები:

ტორპედო: მიგინეიშვილი, რიგვავა, კვახაძე, გამეზარდაშვილი, გურული, დოლიძე, დათუნაიშვილი, დიღმელაშვილი, თარხნიშვილი, ფეიქრიშვილი, გოცირიძე.

გაგრა: ბეგაშვილი, ყურულაშვილი, ტყეშელაშვილი, კალანდაძე, ხოჯაშვილი, ხუციძე, ჭკუასელი, ზვიადაძე, სარდალიშვილი, როსტიაშვილი, კვანტალიანი.

__________________________________________________________________

 გიორგი ჯავახაძე